唔辛苦地減肥？

曾經因為depressed 而要食藥，食藥令到個人水腫。而且唔開心就食好多野，愈叫自己唔食，愈唔開心，所以食得更加多。

忽然之間肥左真係好慘，仲會俾人開玩笑。啲衫褲裙都着唔返，仲有好多辛酸史，真係要肥過先會明。

所以唔講咁多廢話，講重點 — 點減肥？坊間咁多方法，點揀？點知邊樣最有用？

減肥只有一個原則：揀令自己開心嘅事

所以想食野既時候，一定唔好逼自己唔食，食左唔好罵自己點解食。

其實想食嘢有幾個原因，個口好想咬野，好想塞啲野入個口。所以唔好阻止佢，要滿足佢。

個重點係改食nuts!!!

唔食得nuts就食其他你鐘意既(check下營養標籤)，真係有好多選擇。當你滿足自己，之後就會食到自己有一刻會唔想食。

因為愈阻止反而愈渴望。

另一樣就係增加新陳代謝 metabolic rate. 呢個要有耐性，持續令自己郁之後，要三個月後先會開始體重下降。

所以個重點係搵一樣野係簡單，輕鬆，但又會令個人可以持續咁郁。如果諗起都唔想做，就唔好揀。

可以有好多選擇，係屋企，或者衫都唔洗換就做到就最易，例如做家務，跳繩，呼拉圈，俯臥撐，sit up.

Accumulate to a certain amount, then can trigger the mechanism. Then the metabolic rate will start to increase.

加油啦，各位。

肥，又有咩好怕喎。

一定瘦得返。

方法啱，就咩都解決到。